32 weeks

話咁快陳小B經已踏入32週，頭仔比一般BB早轉定，每日倒豎蔥的ＢＢ仲非常活躍，一日到黑都踢住媽mi，尤其晚上臨瞓的爸B親子時間更為活躍。

一直希望小Ｂ似足陳生咁高，醫生也帶來好消息說雖然我肚仔細細，但小Ｂ是中size BB，有機會有６磅幾，總算放心少少。至此小Ｂ有３磅半左右，未來７個半星期一家三口繼續努力為小Ｂ增磅，也跟小Ｂ約定要在足月的預定日期才見面。

So far 小Ｂ都好錫住媽mi，生活／外表還算正常。只是近日開始腳仔抽筋，大肚dum頂到上心口。生活開始變得不一樣，腳步開始緩慢(其實一直被指行得太快)、行得快要透大氣、容易腰背痛、烏唔低身、剪唔到腳甲，總括來講，我開始明白大肚腩OB的日常。XD

懷孕的日子人緣特別好，熟朋友的關心呵護不在話下，連平日冇兩句的同事都變得熱心，紛紛介紹BB101，誠邀加入媽媽互助會。最讚的當然是媽媽義不容辭幫我湊仔仲上埋陪月班，媽媽 is always the best。我都唔敢講我會做到我媽媽的一半。